خريف...

صيف كتب وصيّتُه عا وراق الخريف

والوراق تتمرجح بالهوا الخفيف

وتوقع صفرا عالأرض وقبل ما تدوب

تحكي الأرض وتنقلاّ يللي مكتوب:

"العصفورة فلّت رايحة صوب الدَّفى

حسّت بجمر قلبي عم ينطَفَى

وأنا اللي ممدّد ناطر عا فراش الموت

سامع الريح توَلوِل بأعلى صوت

وسامع وسط ضجيجها عشّاق اتنين

حكيُن حلو... بسمة وضحكة ونظرة عين

عم موت... وهنّي يحكوا... وتمرق ساعات

عم يحكوا... خلّوني إعشق الحياة!"