ليلة مرضٍ على تويتر...

وينك يا عمّو إدوار

صاير عم إسعل متلك

كلّ لحظة وتكّة بالنهار

وحاسس حالي عم إهلك

ما بعمري لحقت الدخان

ولا جالست الأركيلة

كيف الزمن فجأة خان

وحطّ السعلة مقابيلي

شو مزعج كاين يا جار

والسعلة ما بتلبقلك

ما بعرف شو يللي صار

حتّى صاير إشبهلك

ما بعمري لحقت النسوان

ولا الحلوة تا تغنّيلي

صاير عم إنسى العنوان

لماّ الحلوة توميلي

صاير عم إسعل بجنون

وتخنقني سعلة صغيرة

أنا يللي معوّد كون

إخنق بالحبّ الغيرة

• Tweeting... (@Myriam__Najm): "wililah wililahhhh"

صاير عم عبّر بفنون

عن المرض والحيرة

وطول عمري عاشق حنون

ملوّع بنات الجيرة

• MishoRicha (@MishoRicha): "*gets the tabel*"

مش لازم الطبل تجيب

لازم إنّك تسمعلي

عالنغمة بتسمع، غريب،

من صدري أجمل سعلة

عم تحفظ نفس الإيقاع

وما عم تهدالا شويّة

ولا لحظة اللحن ضاع

ولا حتّى راق عليّي

صدري عم يرقص عالـ Beat

والنغمة تلعب فيّي

إذا الليلة لهوني جيت

تا فشّ الخلق شويّة...