...عا رواق... حلو الرواق

Friday, September 23, 2011

خريف...



صيف كتب وصيّتُه عا وراق الخريف
والوراق تتمرجح بالهوا الخفيف
وتوقع صفرا عالأرض وقبل ما تدوب
تحكي الأرض وتنقلاّ يللي مكتوب:
"العصفورة فلّت رايحة صوب الدَّفى
حسّت بجمر قلبي عم ينطَفَى
وأنا اللي ممدّد ناطر عا فراش الموت
سامع الريح توَلوِل بأعلى صوت
وسامع وسط ضجيجها عشّاق اتنين
حكيُن حلو... بسمة وضحكة ونظرة عين
عم موت... وهنّي يحكوا... وتمرق ساعات
عم يحكوا... خلّوني إعشق الحياة!"

2 comments:

  1. eToro صفقات التداول المفتوحة في 227,585,248

    eToro هي السوق الرائدة للجيل التالي من المتداولين والمستثمرين. بإمكانك تحقيق أرباح مباشرة من خلال التداول عبر الإنترنت وقيادة خمسة ملايين متداول اجتماعي حول العالم، والحصول على الأموال باعتبارك تمثل جيلاً جديداً من مدراء الصناديق عندما ينسخ الآخرون استثماراتك.

    ReplyDelete