في أمل؟

‏يا سارد على هالحالة،
خبّرني شو بينعمل؟
جاوبني على سؤالي
حتّى لو ما في أمل..

دقّلّي أو بِرسالة
قلّي اذا فيه زعل
كلمة من عندك يا غالي
عندي بتهزّ الجبل!

ما بتسألني عن أخباري،
قلّي دخلك شو السبب؟
حكيني هيّجلي افكاري
حتّى لو عندك عتب..

كم مرّة اكتبت أسراري
رجعت امحي اللي انكتب!
اشتقت خبّرك عن نهاري..
حكيني لو حتّى بغضب!

ردّ عليي سكتت كفاية
فضفض خبّر عالملأ
انطق قلّي شو الحكاية
صمتك عيّشني بقلق

ساعة احكي مع المراية
ساعة بصّر بالورق
وعالمدخل لمبة مضوّاية
تنطر طيفك إن مرق