أكتب أشعار مراهق... لأنّ هذا الراشد أحياناً تخونه القوافي
عم اقرا حدّ النار
وعم بيضيعوا الكلمات
وعم يولعوا الأفكار
وعم يولعوا الحطبات...
والموقد يحكيلي
أخبار الشتويّة
وعيوني تشكيلي
عيون هاك الصبيّة
والجمرة زهقانة
بدّا تقرا الكتاب
والنسمة البردانة
تمرق من شقّ الباب
تسأل قلبي كيف صار
وتقلّبلي الصفحات
تدّفّا حدّ النار
وتحرقص الجمرات...
الموقد العم يحكي
بصوت الماضي المبحوح
والغيم العم يبكي
والأرض العم بتنوح
بدّن نظرة منّا
حتّى السواد يروح
حتّى تشمّس عنّا
وحتّى تضحك هالروح...
الدنية جنّ جنونا
والسما مخفيّة
بدّي شوف عيونا
ناطر بطّل فيّي!
No comments:
Post a Comment